2014(e)ko abenduaren 19(a), ostirala

AZKEN SARRERA

Gezurra dirudi baina... azken sarrera egiteko eguna heldu da! 

Egia esanda, ez dakit nondik hasi, ezta zer esan... Hala ere, pixka bat gainetik laburtuko dizuet lauhilabete honetan ikasi dudana, sentitu dudana, lortu dudana eta hemendik aurrera egingo dudana.

Blogaren lehenengo egunetan dakizuenez hemen txertatu nuelako (1go eguna2. eguna3. eguna...) oso galduta nengoen, ia ez nekien ezta idazten nuenaren letraren kolorea aldatzen. Ikusi daitekeen moduan soilik testua dago eta agian argazkiren bat, laguntzarekin jarri nuena.

Hasieran izan nituen sentsazioak guztiz desatseginak izan ziren; benetan, ez nuela nire burua gai ikusten lan hau aurrera ateratzeko. Gainera, hainbat zailtasun topatzen nituen teknologia arloan momentuan gainditu ezinak.

Trasteatzen orduak eta orduak eman ditut, bai etxean zein klasean eta bat-batean egun batean ez dakit zehazki nola, baina proiektuari "trukoa" aurkitu niola esan dezaket. Horrek, nire pentsatzeko erak guztiz aldatu zituen, egun horretan, lehenengo bideoa igo nuen (Redes 87 bideoa) eta ez zarete imajinatzen zein harro sentitu nintzen. 
Egia da, oso denbora gutxi pasa zela lehenengo klaseetatik bideo igo nuen egunera arte, baina niri eternitate bat iruditu zitzaidan. Badakizue zergatik? ikusten nuelako nire ikaskideek asko zekitela eta nik 0-tik hasten nintzela. Izan ere, denborarekin eta talde lanen bitartez, kontura naiz askok nire egoera bizi izan dutela.

Hortik aurrera, klase teorikoen eta praktikoen egunerokoak egiteaz aparte, bitxikeriak sartzea ere bururatu zitzaidan eta halaxe egin nuen. Hemen txertatzen dizuet jarri nituen lehenengoa biak; Redes 87 eta Logocentrismoarekin zerikusia duen bideoa. Bestalde, egunero sarrerak egiteko gogoak sartu zitzaizkidan eta ahal nuen bakoitzean zuei hitz egiten nizuen zerbait kontatzeko edo soilik zelan zaudeten galdetzeko. 

Ez dakit nabaritu duzuen edo ez baina lehenengo momentutik nekien guztia eta erakusten zidaten guztia islatzen saiatzen naiz. Ez dut ezeztatuko asko ez dela nekiena eta dakidana baina, niretzat ikusita non nengoen hasieran eta orain, asko dela uste dut. 

Horrez gain aipatu nahi dut, oso pozik nagoela baliabide teknologiko ezberdinak erabiltzen ikasi dudalako, hala nola, hurrengo hiru sarrereretan aurkitu daitezkenak; 12 eta 3.

Orokorrean, eraiki dudan bloga agian sinplea dela pentsatu dezakezue, baina nik oso gustura sentitzen naiz egin dudan lanarekin eta lortu dudan emaitzarekin. Benetan esaten dut, pila bat ikasi dudala, bai taldeko lanetan  zein bakarkako lanetan Gainera, irakasleak eta klasekideak beti egon dira laguntzeko eta aholkatzeko prest, eta horrek izugarrizko garrantzia duela uste dut. 

Bukatzeko adieraztea, jarritako helburu pertsonalak LORTU DITUDALA, niretzako oztopo zen lana GAINDITU DUDALA erabilitako metodologiari esker eta orain bai, NIRE BURUA KAPAZA IKUSTEN DUT TEKNOLOGIA MUNDUAN ARRITZEKO. Beraz, TRASTEATZEN JARRAITUKO DUT GAUZA BERRIAK IKASTEN JARRAITZEKO.

Lana borobiltzeko, idatzitako zenbait sarrera txertatuko ditut, non gehien gustatu zaizkidan bideoak eta gehien "markatu" dizkidatenak ikusiko diren.







Guzti honekin, esperientzia polit bati amaiera ematen zaio. Agur danoi eta ESKERRIK ASKO! 
Beste batera arte...


Moraleja:


2014(e)ko abenduaren 18(a), osteguna

2014ko abenduaren 18ko klase praktikoa

Klase honetan, aurkezpenak bukatu ditugu. Gelditzen zen dokumentatzaile taldea aurkeztu dute Sites-ean erabili dituzten baliabideak eta materialak eta ariketak praktikoak proposatu dizkigute haien paperean sartzeko.

Pertsonalki, aurreko sarreran aipatu dudan moduan, haien lana egin dudanez, ariketa praktikoak egiten nekien eta azaldu dituzten programak ezagutu eta gutxi gora behera erabiltzen ere badakit. Izan ere, orokorrean ondo egin duet aurkezpena, hurbiltasuna adierazi dutelako eta laguntzeko prest egon direlako.

Programak (beste sarreretan aipatu ez ditudanak): 

You TubeGlogsterMindomo eta Slideshare

Horrez gain aipatzea, Scoop.it bat eraiki dugula gure Dokumentatzaileen prozesua txertatzeko. Orrialde honetan, bideo interesgarriak aurkitu dituzue, prozesuan zehar landutakoak hain zuzen ere. 
Hemen adierazten dizuet nahi izatekotan ikus ezazuen; http://www.scoop.it/t/dokumentatzea


Ondoren, irakaslearekin gimnasioara jeitsi gara bideo bat ikusteko, baina ez zuen funtzionatzen; beraz, beste ariketa bat proposatu digu. Ariketa horretan, talde bakoitzak autoebaluazioa eta koeabaluazioa egin behar izan dugu. Ostean, klaseari amaiera emateko irakasleak komentatu digu zer pentsatzen du gure klaseaz, izan dugun jarreraz eta lortu dugunaz.


2014ko abenduaren 18ko klase teorikoa

Berriz Osteguna da lagunok, baina esan dezakegu azken osteguna dela bihar Gabonetako oporrak hasten direlako.
Gaurko klasean aurkezpenekin jarraitu dugu. Baliabide teknologiko ezberdinak erabili dituzte, hala nola, Google Sites eta Prezi  eta horrek hasierako aurkezpenetan ez zen ikusten.

Esan behar dut, oso identifikatuta sentitu naizela Dokumentatzaileen aurkezpenarekin haien papera bizi izan dudala eta badakidalako daraman lana.

Sarrerarekin bukatzeko argazki hau usten dizuet talde lana, koordinazioa eta komunikazioa errepresentatzen duena.



Aurkezpenekin bukatu ostean, irakasleak PPT bat prestatu digu eta azalpen batzuk eman ditu hezkuntza eta IKT arloei buruz. Horretarako, bi bideo ezberdinak jarri dizkigu. Baten gaia, diziplina izan da eta bestearena aurreko bi kontzeptuak komentatu ditu. 
Egia esanda, orokorrean ez diogu kasu handirik egin. Klasea pixka bat aspergarria izan da eta gainera, denok deskonektatzeko gogoekin gaudelako.

2014(e)ko abenduaren 14(a), igandea

Iragarki polita

Kaixo lagunok!!!!!!!!!!! Zelan doa asteburua?

Badakizuenez gabonak heltzear daude eta Olentzerori eskutitza egin behar zaiola.

You Tuben trasteatzen egon naiz eta IKEAk egindako iragakia ikusi dut. 10 familiei esperimentu bat egiten zaie eta lortzen diren emaitzak oso politak dira. Zuekin partekatzea bururatu zait nahi duenak ikusteko.



2014(e)ko abenduaren 12(a), ostirala

Emozioz betetako bideoa "LUZ NAS VIELAS"




ZELAN ZAUDETE?


Sarrera honetan emozioz beteta dagoen bideoa bat txertatzen dizuet. Niri asko gustatu zait eta ikusi daiteken hori oso polita, baliogarria zein lagungarria iruditzen zait.

Ez dizuet ezer gehiago esango, ez dizuet daturik emango, ezta  bideoa azalduko, nahiago dut zuek ikustea eta baloratzea. 

BENETAN GUSTATUKO ZAIZUE!




Horrez gain, bideoa agertzen den web gunea hemen uzten dizuet, gehiago jakin nahi baduzue edo interesatzen bazaizue irakurri dezazuen; http://www.boamistura.com/luz_nas_vielas.html

2014ko abenduaren 12ko klase praktikoa

KAIXO GUZTIOI!!!!!

Gaur ostirala da, beraz asteko IKT-ko azken klase praktikoa izan dugu. 

Nire taldea eta nik aurkezpena eduki dugu, non ariketa praktiko bat proposatu diegun gure klasekideei.
Ariketaren helburua, dokumentatzaileen paperean sartzea zen eta hausnartzea, ea kapazak ikusten zuten haien burua 0-tik hasita lan hau arazo edo zailtasunik gabe aurrera ateratzeko.

  Lana aurkezteko erabilitako PPT-a:
  

Orokorrean, ez da giro oso egokia egon klasean aurkeztu dugunean eta denbora eman diegunean jarduera betetzeko. Izan ere, bidalitako ariketa egiten saiatu direnak jarrera bikaina izan dute.

Horrez gain, aipatu nahi dut klase hasieran eztabaida bat izan dugula irakaslearekin, berak bidali digun lan baten ondorioz. Egia esanda, ez gara akordio batera heldu beraz, aurkezpenei hasiera eman diegu.

Honekin bukatzen dut aste honetako egunerokoa.

ONDO PASA ASTEBURUA!!!!!!!!!!!!!!


2014(e)ko abenduaren 11(a), osteguna

2014ko abenduaren 11ko klase praktikoa

Kaixo lagunok:

Gaurko klase praktikora ezin izan naiz joan arazo bat izan dudalako. Hala ere, irakasleari abisatu diot bera jakin dezan. 

Sarrera hau ez dut asko luzatuko, bakarrik komentatzea aurkezpenak egon direla; non talde batzuk haien Teknografiak aurkeztu dituzten eta esan didatenagatik oso politak izan dira, emoziok eta esperientziaz beteak.

Gaurkoz amaitzeko Ken 7ko Zenbat min abestia uzten dizuet nahi izatekotan entzuteko eta musikaz gozatuz pentsamendu negatibo guztiak aldentzeko.




2014ko abenduaren 11ko klase teorikoa

Bazenekitenez, gaurko klasean aurkezpena izan dugu, eta esan beharra dago nahiko ondo egin dugula.

Klasekideei azaldu diegu gure Sites-aren antolaketa eta bertan aurkitu ditzaketen hausnarketak, baliabide teknologikoak eta bai hezkuntza zein IKT-ari buruzko informazioa.

Horrez gain, hasieratik egindako prozesua komentatu diegu, jakiteko zenbat ordu sartu ditugun. Gainera, topatu ditugun zailtasunak ere aipatu diegu guk garrantzi handia eman diegulako ibilbidean zehar fustrazioak ekarri dizkigutelako,. Izan ere, zailtasun edo gatazka horiek ganditzerakoan oso ondo sentitu gara eta taldeko giroan lagundu dute. Honekin esan nahi dudana da, izandako zailtasunak talde lana eta taldekideekiko harremana indartzen lagundu dutela.

Hemen uzten dizuet prestatutako PPT-a lana azaltzeko:




Bukatzeko, ondorio orokor bat adierazi dugu, esanez hasieran agobiatutak ibili ginela egokitutako lanagatik,  baina momentu honetan, oso pozik eta harro gaudela egindakoarekin eta ikasi dugun guztiarekin.

Soilik adieraztea... LORTU DUGULA!!!!!!!!!!!!!!



Eta... LORTU DUDALA!!!!!!!!!!







2014(e)ko abenduaren 10(a), asteazkena

Bihar aurkezpena

EGUN ON LAGUNOK:

Oso gutxi geratzen da oporretarako, baina orainik klaseko hainbat gauza ditut prestatzeko eta aurkezteko; esate baterako, biharko IKT aurkezpena.
Gaurko eguna horretan emango dut, dena ondo finkatzen modu egokian atera dadin eta klasekideen interesa pizteko.

EGUN POLITA PASA!!!!!!! ETA INDARRA GELDITZEN DIREN EGUNETARAKO.




2014(e)ko abenduaren 3(a), asteazkena

EUSKARAREN EGUNA

GAUR, ABENDUAREN 3a EUSKARAREN EGUNA DAAAA!!!!!!!!

Hemen uzten dizuet egun honen zergatia, eta ANIMATZEN ZAITUZTEN EGUNERO EUSKARAZ HITZ EGITERA GALDU BEHAR EZ DEN HIZKUNTZA DELAKO!


"Euskararen Nazioarteko Eguna abenduaren 3an izaten da, Frantzisko Xabierkoaren egunean. Frantzisko 1552ko abenduaren 3an hil zen, eta, kondairak dioenez, hil aurreko azken hitzak bere ama-hizkuntzan izan ziren, euskaraz.
1949an Eusko Ikaskuntzak ezarri zuen egun hau euskararen nazioarteko egun gisara. 1995ean Eusko Jaurlaritzak eta Euskaltzaindiak bat eginik, Euskararen Nazioarteko Eguna instituzionalizatu zuten"  (http://eu.wikipedia.org/wiki/Euskararen_Nazioarteko_Eguna)


E  U S K A R A Z   B I Z I 



2014(e)ko abenduaren 1(a), astelehena

IESA gaixotasunaren kontrako eguna


Gaur, Ekainaren 1a, IESA gaixotasunaren kontrako eguna da. 






Hemendik nire indarra bidali nahi diet gaixotasun hau jasaten dituzten guztiei. Esatea, haiekin gaudela, haiekin nagoela eta gogor eustea bizitzen ari diren egoera hau, horrela hobeto biziko direlako. Guztiok gure aldetik pixka bat jarriz gero, dena hobeto eramaten da!


Moduloko 2. astea

KAIXO LAGUNOOOOOOOOOOOOK! Berriz Astelehena! 

Aste dugu eta gaur grabatzea tokatzen zaigu. Ez du egun polita egiten, izan ere saiatuko gara hoberen antolatzen ondo geratu dadin.

Espero dut asteko lehenengo eguna gogoz hastea. Anima zaitezte! oso Gutxi geratzen dela oporretarako.


Hemen uzten dizuet musika pixka bat aurpegiak alaitzeko.




2014(e)ko azaroaren 28(a), ostirala

2014ko azaroaren 28ko klase praktikoa

Gaur ez dugu eduki klaserik Fakultatea itxi dutelako 4.mailakoen graduazioa delako. Izan ere, irakaslearekin gelditu gara datorren ostegunean klasea berreskuratzeko.

Sarrera honekin, aste honetako egunerokoa bukatzen dut.

Espero dut asteburu ona izatea. Nirea abesti honekin astean da...
Ondo pasa eta zaindu lagunok!!!!!!!


2014(e)ko azaroaren 27(a), osteguna

Logocentrismoarekin zerikusia duen bideo deigarria

Pasadan egunean Arte irakasgaian ikusi genuen Bideo bate zuekin konpartitu nahi dut asko gustatu zitzaidalako eta oso barregarria iruditu zitzaidalako.
Klasean landutako Logocentrismoaren teoriarekin zerikusia du.  ESPERO DUT ZUEN GUSTUKOA ERE IZATEA!




ESKOLA 2.0

Dokumentatzaile bezala behatzen ari Garen Talde batetik oso interesgarria iruditu Zaidan bideotxo bate txertatzen dizuet, IKUS dezazuen oso ondo Eskola 2.0-ren eginkizuna edo funtzioa zein den :


2014ko azaroaren 27ko klase teorikoa

Gaurko teoria klasera ezin izan nahi joan batzarra nuelako nik ikasitako ikastolako Ikasketa Buruarekin. Goiz osoa eman dut berarekin hitz egiten baimena eman behar zidalako musika arlorako egin behar dugun emanaldi artistikoa han grabatu ahal izateko.

Horrez gain, klasekideei galdetu diet zer egin duten eta aurkezpenekin jarraitu dutela komentatu didate. 
Horri lotuta esan beharra dago, aurkezpenetan ezagutzen ez dudan programa bat erabili dutela, Powtoon, alegia. Ezberdina dela eta aurkezpenak egiteko oso egokia eta polita gelditzen dela esan didate, beraz frogatu beharko du! 

2014ko azaroaren 27ko klase praktikoa

Gaurko klase praktikoan Sites-arekin jarraitu dugu. Berriz ere, beste egunetan bezala banatu gara eta bakoitzak bere lana egiten jarri da.

Asko aurreratu dugula uste dut. Gero eta gauza gehiago egiten dakigu eta teknika zein programa berriak ezagutu ditugu. Oso gustura nago eta horrek, asko pozten nau. Gainera, orain bai lana gogoekin hartzen dut eta primeran geratzea nahi dudanez, ordu asko ematen ditut polita eta txukun gelditzeko.



2014(e)ko azaroaren 25(a), asteartea

Sexismoari EZ

Aurreko sarreran Genero indarkeriaren aurka azaleratu naiz; aldiz honetan, horri erreparatuz, Sexismoaren kontra agertuko naiz.

Esan beharra dago "Komunkiazioa" irakasgaian idazki bat prestatzen gaudela Hezkidetzari buruz, eta sexismoari garrantzi handia ematen ari gara. Idatzizkoarekin adibide ugari ikusi eta aztertu ditut, horregatik adierazi nahi dut, arazo hau moztea beharrezkoa dela, oso kaltegarria delako gizartearentzako eta bertan dauden ideia eta ezaugarrientzako. Beraz, BERDINTASUNA GENEROEN ARTEAN ALDARRIKATZEN HASI BEHAR GARA!



Genero indarkeriaren aurkako eguna

GAUR, AZAROAREN 25a, EMAKUMEEN AURKAKO INDARKERIAREN EGUNA DA!

Hemen txertatzen dizuet El Correo egunkaria idatzi duena gai honi buruz eta Bilbon egin dena biolentzia jasaten dutenek bakarrik ez daudela ohar dezaten.




EZ AHAZTU ZUEKIN GAUDELA! ANIMO ETA AURRERA SEGI!


2014(e)ko azaroaren 23(a), igandea

EGUN ON LAGUNOOOOOOOOOOK!


Gaur Igandea da ia eta bihar berriz astearen hasierara bueltatze gara, Astelehenera ... Ze azkar pasatzen den asteburua! 






Sarreratxo honetan ahalbideratzen dizuet bideotxo bat umeentzako oso egokiena dena. Bideo honetan, nahiz eta gaztelaniaz egon, Teknologia ondo erabiltzeko 10 urrats edo teknika ikusteko aukera dago. Zuek ere ikusteko da; hala  ere, gomendatzen dizuet zuen inguruan ume txikiren bat egotekotan jartzeko. Gainera, istoriatxo baten moduan kontatzen denez, ez dut uste aspergarria izango denik.




Taldeko argazkia eta Sites-a


Pasadan asteko praktikako azalapenean, ahaztu zitzaidan komentatzea gure taldea argazki bat atera ginela Sitesean jartzeko. Badakizue niri gustatzen zaidala zuekin dena partekatzea, beraz hona hemen gure super hiper mega argazkia: 






Horrez gain, utzi nahi dizuet gure Sitesaren link-a ikus dezazuen zenbat aurreratu dugun eta nahi izatekotan zuen iritzia emateko. Dakizuenez asko kostatu zaigu lan hau aurrera ateratzea, 0tik hasi ginelako; beraz, espero dut Sitesa behatzerakoan nabaritu dezazuen egindako esfortsua eta jarritako gogoak.

https://sites.google.com/site/dokumentatzaileak01/

2014(e)ko azaroaren 22(a), larunbata

Umeen eguna

Ostegunean, Azaroaren 20an, umeen eguna izan zen. 

Polita da gizarte osoari gogoratzea, ez soilik hezkuntzan lan egiten dutenei edo egingo dutenei, umeek duten garrantzia. Gogoratzea umeen irribarrea gugan duen eragina eta haiei esker lortzen dena. Gogoratzea, bizitzan UMEAK EZINBESTEKOAK DIRELA!


Abesti honekin umeei erreferentzia egin nahi diet. Asko gustatzen zaidan kanta da eta niretzat sentimenduz betea dago. " We are the world, we are the children"


2014(e)ko azaroaren 21(a), ostirala

2014ko azaroaren 21eko klase praktikoa

Gaurko klasea tentsioarekin hasi da, irakasleak komentatu digulako ez zaiola gustatzen, klasetik lehen ateratzen garenean. Denon artean saiatu gara azaltzen zergatik egiten dugun, autobusen ordutegiagatik esate baterako, baina berak ulertzen ez duela adierazi digu eta konpondu behar den arazoa dela uste du. Nahiz hitz egiten egon denboratxo bat, ez gara ados jarri eta irakasleak klaseko gaiekin hastea erabaki du.

Lehenengo bideo bat jarri digu, non, Sugata Miltra herri txirioetan teknologia arloan egon diren aldaketak eta hobekuntzak erakusten dituen eta umeen jarrera horren aurrean nolako den. Oso polita eta interesgarria izan da. Gainera, teknologiari buruzko beste pertsonek duten ikuspegiaz ohartzeko eta umeen gaitasunaz hausnartzeko balio du. Bideo hau ikustean, gehien gustatu eta harritu nauena izan da, umeek zenbat gauza ikasi dezaketen haien kabuz eta nola laguntzen diren haien artean.
Hemen txertatzen dizuet eta ikustera gonbidatzen zaituztet, benetan pena merezi duelako.




Ostean, talde bakoitzak bere lana egiten jarraitu du. Guk, atzo bezala bikoteka banatu gara eta bik Sitesean lantzen zeuden bitartean, besteak informazioa bilatzen egon dira.


Lanarekin hasten naizen bakoitzean, asko agobiatzen naiz egiteko hainbat gauza ditugulako. Gainera, denbora gutxi geratzen denez klase osoaren aurrean behatutakoari buruz eta sortutako Sitea aurkezteko tentsioa gero eta handiagoa da. Izan ere, lasaitzen saiatzen naiz eta pentsamendu optimista edukitzen.


Horrez gain, esan behar dut, taldean koordinazio ona dagoela, beraz horrek asko laguntzen duela lana aurrera ateratzen eta gure arteko harremana garatzen. 




2014(e)ko azaroaren 20(a), osteguna

Esaera zaharra

Zuekin konpartitu nahi dut pasadan egunean entzun nuen hizkuntzei erreferentzia egiten dion esaera bat, gure kasuan euskarari:

"Hizkuntza bat ez da galtzen ez dakitenek ikasten ez dutelako, dakitenek hitz egiten ez dutelako baizik"

ANIMATU NAHI ZAITUZTET EUSKARAZ HITZ EGITERA ETA EUSKARAZ BIZITZERA!

Bideotxoa

Internetetik trasteatzen egon naiz eta bideo ezberdinak ikusi ondoren, zuekin konpartitu nahi dut interesgarriena iruditu zaidana. Bideo honekin, hezkuntzan eta teknologia arloan egon diren aldaketak ezagutzeko aukera duzue.

 Espero dut zuen gustukoa izatea. DISFRUTATU!

2014ko azaroaren 20ko klase praktikoa

Klase praktikoan talde bakoitzak bere lanarekin jarraitzeko aukera eman digu irakasleak.

Gu  hasiera batean, lana bitan antolatu dugu, bik egon dira egokitutako taldeen aurkezpenak biltzen eta antolatzen eta beste bik, hezkuntzaren inguruan informazioa bilatzen.
Lan hori bukatu ostean, laurok Sitesarekin sartu gara eta aldaketak egin ditugu, poliki-poliki lanak sartzen hasi gara, trasteatzen jarraitu dugu gauza berriak topatzeko eta egin ahal izateko. Gainera, agertu zaizkigun zalantza guztiak, ppt-ak edo preziak Sitean nola sartu, adibidez, irakasleari galdetu diogu eta emandako azalpenekin lortu dugu.

Orokorrean, nahiz eta oso agobiatutak ibili egin behar ditugun gauza guztiekin, oso pozik nago bai pertsonalki zein taldeka, teknologia arloan gero eta garatuagoak gaudela uste dudalako. Horrekin batera esatea,  irakasleak jarritako metodologia honekin trebatzeari beldurra kendu diogula eta autonomia irabazi dugula. 




Orain bai esan dezakeedala,  AHAL DUT!



2014ko azaroaren 20ko klase teorikoa

Gaurko klase teorikoan, aurkezpenekin jarraitu dugu. Beste talde batzuk haien aurkezpenak egin dituzte eta dokumentatzaileek ere haien lanari ekin diote.

Guri egokitutako taldeek pasadan astean aurkeztu zutenez, guk behar dugun informazioa badaukagu, beraz soilik klase  praktikoetan  landu behar dena falta zaigu, Sitesa esate baterako.

Ni gaur asko aspertu egon naiz, ez zaidalako interesgarria iruditu hitz egin dutenaz. Gainera, nahiko agobiatuta gaudenez egin behar ditugun lan guztiekin, antentzioa jartzea gehiago kostatu zait. Hala ere, isiltasuna mantendu dut hitz egiten zeudenei ez oztopatzeko. 

2014(e)ko azaroaren 14(a), ostirala

2014ko azaroaren 14ko klase praktikoa

Gaur, ostirala da ia!!!!!!!







Baina ni... gaixorik nago... eta ezin izan dut klasera joan. Beraz, ezin izango dut IKT-ko klase praktikora joan. Izan ere, nire taldekideekin hitz egin dut eta esan diet lana banatzen dutenean, nire zeregina esateko, ni etxean hobeto egotekoan egiteko eta datorren klaserako eginda eramateko.

Honekin, aste honetan IKT-ko klaseetan egindakoaren  eta bai pertsonalki zein taldean sentitutakoa eta gertatutakoaren azalpenarekin bukatzen dut.

Gaurko sarrerari amaiera emateko, ustez dizuet gustuko dudan Ken Zazpiko abesti bat, zuek entzun dezazuen eta asteburua ondo has dezazuen; Ezer ez da betiko.


ONDO PASA ASTEBURUA! NIGATIK DISFRUTATU!

2014(e)ko azaroaren 13(a), osteguna

2014ko azaroaren 13ko klase praktikoa

Gaurko klase praktikoa, klase teorikoan egindakoaren jarraipena izan da. Izan ere, klase praktikoan egindakoa kontatzen hasi baino lehen, esan beharra dago, errekreo orduan, nire taldekide batek eta biok irakaslearekin hizt egin dugula, lanaren estruktura eta helburua ondo finkatzeko eta baieztatzeko ondo goazela. Irakasleak guk prestatu dugun gidoia azaldu ondoren, zenbait aholku eman dizkigu eta lasai egoteko esan digu, bide egokia poliki-poliki eraikitzen goazelako.

Klase praktikoari bueltatuz; berriz ere, taldean bildu gara eta gure lana egiten jarraitu dugu. Lehenengo, aurkezpena egin dituzten taldeekin hitz egin dugu, lana egiteko erabili duten materiala eskatzeko eta egindako euskarri digitala gurekin partekatzeko. Ostean, taldean lau garenez; bik joan dira aurkezpenen taldeekin hitz egitera, nola sentitu diren, zailtasunak eta lanaren banaketaz galdetzeko eta apuntatzeko eta beste biek, Site-an lan egiten egon dira; antolatzen, izenburu eta azpi-izenburuak prestarzen, hiperbinkuluak egiten, etab.

Ni, Sitean lan egiten egon naiz. Orrialde birtual honi buruz esateko dut, ez badakizu ezer erabiltzen zaila egiten zaizula, baina erabiltzen ikasten duzunean, azkar moldatzen zara eta gaztelaniaz esaten den moduan "todo va sobre ruedas".
Egia esanda, nire taldekideak eta nik ez genekien ezer egiten, baina klasekide baten laguntzaz, ekintza ezberdinak erakutsi dizkigunez, eta genituen galdera guztiak erantzun dizkigunez, trukoa hartu dugu eta oso gustura lan egiten egon gara. Horregatik, eskerrak ematen diot hemendik Peiori, bere laguntza gaur ezinbesteko izan delako. ESKERRIK ASKO PEIO!


2014ko azaroaren 13ko klase teorikoa

Gaurko egunean, aurkezpen eguna izan da. Ni, nire taldearekin bildu naiz eta  gure lana betetzean hasi gara, hau da, dokumentatzaileen lana. Egokitu zaizkigun 5 taldeen aurkezpenak behatu ditugu. 
Behaketa on bat egiteko, apunteak, bideoak eta argazkiak atera ditugu, ostean hausnarketa egiteko baliogarriak izango direnak. 
Aipatzekoa da ere, aurkezpena egin dituzten taldeak haien lana nahiko ondo egin dutela; bain,a talde handiaren jarrera eskasa izan dela. Gehienak aspertu dira eta hitz egiten hasi dira edo ordenagailuarekin beraien gauzak egin dituzte.

Nire taldera bueltatuz, hasieratik oso galduta sentitu gara, ez genekielako zein ezaugarri, ekintza edo egoera hartu behar genituen kontuan, baina irakasleak azalpena eman ondoren, gure buru argitzen joan gara eta lanari ekin diogu.



Egia esanda, dokumentatzaileen lana konplexua da, hainbat gauzaz ohartu behar zarelako. Gainera, metodologia hau inoiz erabili ez dugunez, gehiago kostatzen zaigu aurrera eramatea. Izan ere, irakaslearen laguntza izanez, pixkanaka-pixkanaka bide egokia hartzen hasi garela uste dut.

Orokorrean, oso estresatuak egon gara gaur, baina pentsamendu positiboa dugu eta  espero dut, azkenean, egiten ari garen esfortsuarekin lan polit bat ateratzea. 


2014(e)ko azaroaren 9(a), igandea

KAIXOOOOOOOOO LAGUNOOOOOOK!!!!!

Zelan doa asteburua?

Aste honetan, Modulu Astea izan denez, ez dugu IKT-ko klaserik izan, horregatik ez dut horri buruz ezer idatzi.

Egia esanda, nahiz eta aste laburra izan, astelehenean, Eskola eguna izan zenez, ez ginelako klasera etorri, oso lanpetuta egon naiz nire taldearekin Modulu Lana prestatzen eta antolatzen. Izan ere, badakizue beti saiatzen naizela denbora ateratzen zuei idazteko.

Ondo izan, baina ez ahaztu kalera euritakoa eta txamarra ateratzea, udazkena heldu dela!




2014(e)ko azaroaren 1(a), larunbata

2014ko Urriaren 31ko klase praktikoa

Gaurko klasean, taldeetan ipini gara eta irakaslearearekin bildu gara  gure lanari buruz hitz egiteko eta helburu nagusia finkatzeko. 
Lanaren azalpena jaso ondoren,  jarraitu behar ditugun pausuak argiago ditugu, beraz, poliki-poliki lanari ekin ahal diogu. Gainera irakasleak, baliogarriak izango diren iturri ezberdinak erraztu dizkigu lanari hasiera emateko. Izan ere, oraindik ez dakigu nola antolatu ezta Sites-a nola erabiltzen den.

Espero dugu datorren astean gure ideak argitzea, lanari jarraipena emateko.

Gaurko eguna gure aldetik, nahiz eta irakasleak bete beharreko azaldu, ez da oso aprobetzagarria izan.


2014ko Urriaren 30ko klase praktikoa

Gaurko klasean, teorian bezala taldeetan bildu gara. Hasieran, ikaskide batzuk haien bloga aurkeztu digute. Ostean, irakasleak Sites bat egiteko agindu digu. Berak ez du inolako azalpenik eman, trasteatu behar dugula esan digu eta horrela egin dugu.
Ez genekien nondik hasi, baina bururatu zaigu gmail orokor bat sortzea eta handik Sites-a egitea. Sites-ean sartu garenean, txarto aukeratu dugu plantilla eta berriro egin behar izan dugu. Hala ere, azkenean ondo atera zaigu eta gure lanaren lehenengo pausua bete dugula esan dezaket.


Horrez gain, adierazi nahi dut poliki-poliki Bloga aurrera doala. Gero eta gauza gehiago egiten badakit eta horrek pozten nau.

Bitxikeri moduan esatea, klase erdian sutearen simulakroa izan dugula, eta ia ia ez garela konturatzen oso baxu dagoelako txirrina.