Nire kasuan, Leire de Prado klasekidearekin jolas bat sortu dut. Programazio erraza erabili izan dugu, baliabide honekin genuen lehenengo kontaktua zelako. Hala ere, programazio bitxia atera zaigula esan dezaket.
Hemen txertatzen dizuet ikus dezazuen amaierako emaitza eta ondo pasatzeko gogoak badituzue, jolasteko. Baina kontuz, jolasean oztopo nahikotxoak sartu ditugu eta laberintoa pasatzea ez da erraza. Hala eta guztiz ere, komentatzen dizuet arazoak ematen dituela nahiz eta partekatuta egon denok ikus dezagun. Hori dela eta, jokoaren irudia ere txertatuko dizuet, zabaldu ezin izatekotan egindako lanari buruzko idea izan dezazuen.
Gaurko sarreratxoan gelan ikusitakoaz hitz egingo dizuet. Gaurko gaia Infografiak izan dira. Aurreko sarreretan komentatutako Errealitate Areagotuarekin zerikusia duen gaia izan da.
Dakizuenez Errealitate Areagotua aukera anitzak eskaintzen ditu eta horien artean, Infografiak daude. Honen inguruan, 3 gauzatxo ikusi ditugu. Alde batetik, Infografiak egiteko aplikazio edo erramientak. Beste aldetik, Infografiak egiteko online sistemak nola funtzionatzen dute bertan, Infografiak egin ahal izateko. Azkenik, Infografietako diseinu grafikoa egiteko gida txiki bat aztertu dugu.
Aipatutakoetatik programarik hoberena Piktochart dela adierazi daiteke.
Honekin lotuta, Educación 3.0 aldizkariak beste erramienta batzuk aurkezten ditu Infografiak sortu ahal izateko. Horien artean, Gorka Palaciosek adierazitako bi errepikatzen dira: Easel.ly eta Piktochart.
Infografiak nola egin daitezkeen azaltzen duen bideotxo bat txertatuko dizuet, aurrean aipatutako Gorka Palaciosek erakusten diguna. Oso baliogarria eta ulergarria da. Beraz, ikusi eta ulertu ondoren, suposatu dezakegu gai izan gaitezkeela Infografia bat sortzeko. (espero dut aplikazioaren hizkuntza (inglesa) arazorik ez eragitea)
Horrez gain, aipatu nahi dizuet interesgarria izan daitekeen blog bat txertatuko dizuet. Blog honek, TIC gaia lantzen duen txoko bat dela adierazi daiteke: En la nube TIC . Begirada bat ematea egokia izan daitekeela uste dut. Bertan, informazio gehiagarri asko adierazita dago eta gaia interesatzen bazaizue edota honen inguruan datu gehiago nahi badituzue, txoko horretan topatuko duzue.
Bukatzeko, Infografia sortzeko egin den euskarazko gida txikia jarraian txertatuko dizuet. Honi esker, eman behar diren pausu guztiak erraztasunez ulertzeko aukera izango duzue.
Disfrutatu, gauzak frogatu eta nahi izatekotan kontaidazue!
Gaurko sarrera ezberdina izango da. Gaur beste irakasgaietan aurkitutako eta landutako errekurtso digital batzuk erakutsiko dizkizuet. Dakizuenez Hezkuntza eta Teknologia gero eta hurbilago daude. Teknologia dela eta, Hezkuntzarako hainbat aplikazio, programa...sortzen ari dira, ikasleen ikaste-irakaste prozesua motibagarriagoa eta bitxiagoa egiteko.
Unibertsitatean ditugun beste irakasgaietan, aukera dugu existitzen diren programa eta aplikazio ezberdinak aztertzeko. Aste honetarako, Gizarte Zientzietan lan bat egin behar izan dugu errekurtso digital ezberdinak aurkeztuz. Lan horretan, Gizarte Zientziak teknologiaren bidez irakasteko 6 programak azaldu ditugu eta zuekin partekatu nahiko nituzke, oso interesgarriak, erabilgarriak eta bitxiak direlako.
Gure proposamena Proiektu Globala egitea izanda, hau da, gai orokorra aukeratu eta programa edota aplikazioak gai horren inguruan murgiltzea, hurrengo hauek izan dira hautatuko errekurtsoak:
Horrez gain, beste bi klasekidek azaldutako programak erakutsi nahi dizkizuet, nire arreta deitu dutelako eta oso oso baliogarriak izan daitezkeelako gelan ikasleekin frogatzeko.
Alde batetik, Google Expeditions proiektua. Proiektu honi esker, ikasteari beste esanahia emateko aukera handia da. Oso egokia izan daiteke irakasleek zein ikasleek ikasten eta irakasten denaz disfrutatzeko. Gainera, errutinarekin apurtzen duen proeiktua da, zure burua edozein lekutan kokatzeko aukera ematen duelako.
Estatu Batuetan duela denboratxo bat martxan jarri zuten eta momentu honetan, Espainian erabiltzen hasi diren proiektua da. Jarraian proeiktua aurkezten duen bideo bat txertatuko dizuet, ikus dezazuen zein motatako errekurtsoak sortzen dituzte, hezkuntza dibertigarriagoa izan dadin.
Bestetik, beste klasekide batez azaldutako Powtoon programa erakutsi nahi dizuet. Hezkuntzara arazorik gabe eraman daiteke. Oso baliabide erraza eta dibertigarria da eta hainbat ekintza egiteko aukera ematen du: bideoak, aurkezpenak, animazioak... Horretarako, errekurtso ezberdinak eskaintzen ditu, plantilak adibidez, eta horien bitartez, zure aurkezpen pertsonalizatua sortzen duzu. Gainera, jarraitu beharreko pausuak nahiz eta ingelesez idatziak egon, oso ulergarriak dira eta ez ditu inolako zailtasunik eragiten. Hala ere, Powtoon zerbait sortzeko zelan egin behar den jakin dezazuen, bideotxo bat adieraziko dizuet. Horrela, erabiltzekotan nora jo behar duzuen jakingo duzue.
Bukatzeko, Matematikako irakasgaiako mintegian frogatu genuen Scratchaplikazioa aurkeztu nahi dizuet.
Aplikazio honen funtzioa, programatzea da. Horretarako, intrukzio ezberdinak ematen ditu eta horiek jarraituz, edozer gauza sortzeko aukera duzu, adibidez, jolas bat.
Aplikazio honek, gero eta ezagunagoa da eskoletan eta, gero eta irakasle gehiago frogatzera animatzen dira. Gainera, umeentzat nahiko erraza bihurtzen da eta horrek, haien motibazioa areagotzea eragiten du. Nire ustez, aplikazio honek, etorkizunari begira, gela guztietan edo ia guztietan erabiliko den aplikazioa izango da.
Jarraian ikusteko interesgarriak izan daitezkeen adibide batzuk txertatuko dizkizuet:
Espero dut aurkeztutako eta erakutsitako guztia zuen interesetatik abiatzea. Niretzat oso baliogarriak izan dira errekurtso guzti hauetan sakontzea eta ikasleekin gelan frogatzeko irrikitan nago.
Gaurko sarreran, atzo izandako mintegian landutakoa komentatuko dizuet. Dakigzuenez, noizean behin mintegiak egiten ditugu, normalean, gelan lantzen dugunaz gain, beste gauza berriak ezagutzeko eta lantzeko. Mintegia honetan, bibliografia eta APA arauekin jarraituko dugu. Irakasleak, APA Style web gunea erakutsi zigun eta bertan, trasteatzen egon ginen. Esate baterako, web gune horretan agertzen diren gidak aztertzen egon ginen eta gure oinarria hurrengoa izan zen: Basic of APA Style
Mintegia nahiko interesgarria izan zela adierazi dezaket. Irakasleak trukotxo ezberdinak komentatzen zizkigu GRAL-aren (Gradu Amaierako Lana) bibliografia egitean, arazorik ez izateko eta aldi berean, ondo egiteko. Gainera, bibliografiak oso oso luzeak direnean, aplikazio ezberdinak daudela azaldu zigun. Aplikazio horiek erabiliz, adibidez Googlek ateratako Bitsy aplikazioa, linka laburtzeko aukera ematen dute. Beraz, oso erabilgarria izango dela uste dut.
Gomendatzen zaituztet, txertatu dizuedan linketan sartzea eta bertan dagoen informazioari begirada bat ematea. Benetan, oso erabilgarria izan daitekeela.
Gaurko sarrerarako ezagutu dugun Proiektu bat ekartzen dizuet, RAYODIUN Proiektua, hain zuzen ere. Sevillako Unibertsiteak martxan jarri duen proiektua da, Grupo Teknologia Educativa web gunearen bitartez.
Aste honetako lana, proiektu honen bidez sortutako dokumentu bat irakurtzea izango da, zeinetan, Errealitatea Handiagotua erabili izan den. Bertan azaltzen diren termino zein kontzeptu guztiak ulertu behar izango ditugu. Gaia argi gelditu zaigula frogatzeko, datorren asteazkenean, azaroak 23an, galdetegi bat egingo dugu. Honi esker, irakasleak ikusiko du zelako eragina duen gaiak horrela lantzeak. Honi lotuta esateko dago, dokumentua aurkeztu baino lehen, beste galdetegi bat bete behar izan dugula, gure hasierako ezagutzak islatzeko. Horrela, hasierako eta amaierako galdetegiak konparatzeko aukera izango du eta hortik, emaitzak aterako ditu.
Hurrengo linkean txertatzen dizuet irakurri behar dugun dokumentua, nahi izatekotan eskura izan dezazuen:
Gaurko sarreran MOOC-aren 5. moduluaren azken jarduera txertatuko dizuet. Aurreko sarreran komentatu nizuen moduan, Teknologia gero eta indar handiago hartzen hasi da Hezkuntza arloan. Ondorioz, gero eta ikastetxe gehiagotan Teknologiaren erabilera bultzatzea eragin izan du.
Egoera honetan, Vera-Cruz eskola aurkitzen dugu. Eskola honetan, TIC metolodologia eta Eskola 2.0 proiektuan murgilduta daude.
Eskola honen ustetan, TIC metodologiak ikaskuntza-irakaskuntza prozesua aberasten duela komentatzen dute. LH-ko 3. mailatik DBH-ko 4. mailara arte, geletan arbela digitalak ipini dituzte eta LH-ko 5. mailatik aurrera, ikasle bakoitzak ordenagailu digitalak dituzte.
Eskola honen web gunean adierazten denaren arabera, oso esperientzia ona izaten ari da. Ikasleen motibazioa eta ikasteko nahiak handitu direla nabari izan dute. Gainera, irakasgai guztiak bateratzeko aukera ematen duen elementua da, Teknologia, eta herramienta berriak erabiltzeak oso onuragarria izaten ari da. Honekin batera, klaseak dinamikoagoak izatea lortzen ari dira, zeinetan talde lana edo lan kooperatiboa asko bultzatzen den. Hori dela eta, Vera-Cruz eskolan Teknologia etorkizunerako ezibesteko tresna izango dela uste dut.
Espero dut gaur azaldutako interesgarria izatea eta noski, baliogarria.
Gaur MOOC-aren azken modulua bete dut, bosgarrena, hain zuzen ere.
Modulu honetan, ikastetxe ezberdinetan aurrera eramaten ari diren irakaste-ikaste digitalaren egoera berriak ezagutarazi nahi izan dira. Horrela, tabletak gelako baliabide didaktiko bezala erabiltzeari buruz irakasleen ikuspuntua ere azaleratu da.
Beste moduluetan bezala, bideoen bitartez beharrezko materiala adierazi da. Gaurkoan, esperientziak dira, non ikastetxe ezberdinetan aurrera eramaten dituzten proiektuak azaltzen ziren. Adibidez: Sestaoko KUETO eskolan jarraitzen den proiektua, Zamudiko BIZKAIA eskolakoa, AVELLANEDA eskolakoa eta MARISTAK eskolak proposatzen duena.
Orokorrean, oso interesgarriak izan dira esperientzia guztiak. Hala ere, azpimarratu nahiko nuke Avellanedako ikastetxekoek proposatzen dutena. Eskola honetako aurduradunen esperientzia entzutean, proiektu hauen atzetik izugarrizko lana dagoela nabaritu izan dut eta oso detaile ona eta zintzoa iruditu zait esan dutenean: "nosotros vamos siempre detrás del primero". Ikus daiteke, ez dutela inolako beldurrik onartzeko beste ikastetxeen atzetik doazela eta nola horrela izateak, haietzat onuragarria eta baliagarria dela.
Beno, moduluari berriro helduz, esan nahi nuke, azken modulu hau bete ahal izateko, amaierako atalean galdetegi bat egon dela. Galderak oso orokorrak dira eta ez dute lotura zuzenik izan bideoetan komentatzen diren esperientziekin. Hala ere, nahiko ondo egin dudala uste dut. Pena da ezin dudala zuekin konpartitu, dakizuenez plataforma beran egin beharrekoa delako. Dena den, betiko moduan, moduluaren bideon txertaketa egingo dut, nahi izatekotan ikus ditzazuen.
Benetan esaten dizuet, kontatzen diren esperientziak oso baliogarriak direla ikastetxe ezberdinek Hezkuntza eta Teknologia arloei buruzko ikuspegiak ezagutzeko. Gainera, zuen pentsatzeko erarekin bat dator daitezke.
-KUETO Ikastetxea:
- BIZKAIA Ikastetxea:
-AVELLANEDA Ikastetxea:
- MARISTAK Ikastetxea:
Horrez gain, beste proiektu batzuen adibideak azaltzen duen bideoa adieraziko dizkizuet, oso bitxiak eta ezagutzekoak direlako: Proyecto Intergraba EFC, El sonido que habito eta Dedos.
Espero dut zuen gustukoak izatea!
Gaur mezu honekin agurtu nahi zaituzte: Informazioa jaso, ondo estutu eta interesatzen zaizuenarekin gelditu; nork daki etorkizunerako baliogarria izango den edo ez.
Gaur azken aurreko MOOC-aren modulua ekartzen dizuet. Modulu honen gaia, formakuntza birtuala eraikitzean egin beharreko diseinua da. Horretarako, moduluan zehar, ikasteko ingurune birtual bat eraikitzean irakasleek kontuan hartu behar duguna adierazi digu. Bideo ezberdinez azalpenak agertu dira, betiko moduan eta moduluaren ariketa gauzatzeko, galdetegi bat bete behar izan dugu. Hori dela eta, berriz ere ezin izango dut zuekin partekatu.; 3. moduluarekin gertatu zena errepikatzen baita. Plataforma berean bete behar izan dugu galdetegia eta ez dago modurik hemen txertatzeko.
Hala ere, azalpen testu guztiak hementxe adieraziko dizkizuet nahi izatekotan ikus dezazuen. Gaia oso interesgarria da eta nik behintzat ikustea aholkatzen dizuet.
Planifikazioaren alderdi ezberdinak:
Ezagutzak euskarri digitaleetan jasota:
Diseinuaren alderdi didaktikoak eta teknologikoak:
Egun on guztiei: Gaur, MOOC-aren beste zatitxo bat ekartzen dizuet; 3. Modulua, hain zuzen ere. Modulo honetan pertsonek nola ikasten dugun aztertuko dugu. Horretarako nola, zerekin eta norekin ikasten dugun ikusiko dugu, hau da Ikasteko Ingurune Pertsonalak edo PLE kontzeptuaren gainean aritu da. Ikusi ahal duzuenez, gaurko sarrera aurreko sarrerarekin lotura du, PLE metodologiaz hitz egiten dutelako.
3. modulu honetan bete behar izan dugun ariketa, galdetegi bat izan da, beraz zuekin ezin dut partekatu, plataforma beran osatu behar izan dudalako. Hala ere, kontatuko dizuet pixkatxo bat nolakoa izan den eta ondoren, galdetegia egiteko ikusi behar izan ditudan bideoak txertatuko ditut.
Galdetegia 10 galdera izan ditu eta nahiko itxiak izan dira, bai galderak zein erantzunak. Galderen %70a atera behar zen modulua gainditzeko eta plataformak 2 aukera eskaini ditu, badaezpada.
Bideoei dagokionez, 5 bideo dira eta primeran azaltzen dute PLE kontzeptua. Txertatzea erabaki dut, aurreko sarrerako informazioa osatzeko baliagarriak izan ahal direlako eta aldi berean, zuen interesekoak ere bihurtu ahal direlako.
Gaurko sarreran gelan landutako zenbait terminoren inguruan hitz egingo dizuet.
Alde batetik, PLE metodologia edo ikaskuntza-irakaskuntza prozesuari buruz hitz egiten egon gara eta zuekin partekatu nahi ditut ikusitako bi bideo. Oso interesgarria dira, PLE zer den primeran azaltzen dutelako. Bata bestea baino luzeagoa da. Luzeagoa den horretan, aditu batek Jordi Abell-ek, hain zuzen ere, PLE-ren inguruan, bere ikuspuntuak adierazten dituelako.
Espero dut zuen gustukoak izatea eta haiekin asko ikastea!
Horrez gain, gaitasun digitala eta honen garapenaren garrantzia komentatzen egiten egon gara. Proiektu ezberdinak ikusi ditugu, gaitasun honen garapenean lagungarriak izan ahal direnak. Adibidez: IKANOS. Proiektu honek, diagnotiko bat egiteko aukera ematen du, galdetegi batzuen bitartez, ikus dezagun mundu digitalean zein egoeran aurkitzen garen.
Jarraian uzten dizuet proiektu honen aurkezpena egiteko eraiki den bideoa. Niri pertsonalki asko gustatu zait. Oso bitxia dela uste dut.
Ikanos proiektuari buruz hitz egitean, DIGCOMP atera da, hau da, Digital Competence eta Anusca Ferrarik izena atera da gure elkarrizketan. Emakume honek, Europan mailan eskoletako gaitasun digitalaren ardura da. Ingelesez, Digital Skills Project Manager for European
Schoolnet esaten dena.
Jarraian Anuscari egindako elkarrizketa bat txertatzen dizuet. Bertan, DIGCOMP zertan datzan modu oso zehatz batean azaltzen du.
Gaurkoz hori da guztia, espero dut baliagarria izatea adierazitako informazio guztia. Ondo izan eta hurrengo egunera arte!
Hemen nago gaurko egunean, zuekin konpartitzeko MOOC-eko 2. moduluko ariketa. Jarduera honetan, MOOC kurtsoak zer diren definitu ditugu eta honekin batera, MOOC kurtso ezberdinak topatu behar izan ditugu zenbait plataformaz baliatuz; esate baterako, Edx, Coursera, MiradaX...
Jarraian txertatzen dizuet egindako lana. Espero dut lanaren bitartez, ulertu ezazuen MOOC mota ezberdinak eta aldi berean, aukeratutako kurtsoak interesgarria iruditzea.
Aste honetan, CINTE16-ko kongresua izan dugu. Euskal Herriko Unibertsitateak Campus birtualaren bidez antolatutako kongresua, hain zuzen ere. Kongresu internazionala da eta Teknologia berritzaileek Hezkuntza arloan duten eraginari buruz hitz egiten du. Hiru egunetan zehar aurrera eraman da: Urriaren 4tik 6ra. Guk, Unibertsitateko ikasle moduan joan gara, 4. mailako Berrikuntza minorra ikasten dauden ikasle moduan. Hala ere, gai honen inguruan interesa duen edonork joateko aukera izan du.
Kongresuko hitzaldi guztiak oso interesgarriak izan dira. Bertan, ikertzaile ezberdinek eta beste lekuetako irakasleek parte hartu dute haien esperientziak eta egindako ikerketak azalduz. Komentatu dituzten hainbat gauza ezagunak izan dira guretzat. Hala ere, beste zenbait gauza edota komentario nire arreta deitu dute. Esate baterako, Xabier Basogain, Bilboko Unibertsitateko Ingenieritza Eskolako irakasleak, egindako hitzaldia eta azaldu zuen Scratch programa. Errealitatearen inguruko ikuspuntu oso bitxiak adierazi ditu eta zenbait gauzen aurrean begiak zabaltzea eragin du.
Beste momenturen batean honelako kongresuren bat egotekotan, joatea animatzen zaituztet! Oso baliagarriak dira, gehien bat etorkizuneko irakasleentzat. Hezkuntzaren eta Teknologiaren inguruko beste ikuspegiak ezagutzeko aukera ematen du eta interesgarria da entzutea eta horretaz hausnartzea. Beraz, beste hurrengo batean animatu zaitezte!
Gaurko sarrerarekin bukatzeko, hurrengo bideotxoak uzten dizkizuet, bai gazteleraz zein euskaraz, CINTE16 Kongresua aurkezten ditzutenak:
Hemen nago beste urte bat Teknologia alorrean gauza gehiago ikasteko asmoarekin. Aurten beste izen batekin aurkitzen didazue: Innovation Learning. Aldaketa honen arrazoi nagusia, Blogari izaera formalagoa ematea da eta horretarako, izena berriztea erabaki dut. Honekin batera, Blogaren diseinua poliki-poliki aldatzen joango naizela nabarituko duzue. Espero dut zuen gustukoa izatea! Aurreko guztia azaldu ostean, berez aurten nire blogean aurkituko duzuena aurkeztu nahi dizuet. Hasteko, arlo digitalaren inguruan aztertzen eta topatzen dudan guztia zuekin partekatuko dut. Honekin batera, gelan lantzen ditugun gai, bideo zein dokumentu interesgarrienak igoko ditut, ikusi eta nahi izatekotan, eskuratu ditzazuen.
Horrez gain komentatu beharra dago, sarreretan txertatuko dudan informazioa, batzuetan euskaraz eta beste batzuetan gazteleraz aurkituko duzuela. Hala ere, nahiz eta horrela izan, espero dut arazo handirik ez suposatzea.
Bukatzeko adierazi nahiko nuke, gogo handiekin hartzen dudala berriro Bloga eta espero dudala bai zuentzat zein niretzat baliagarria izatea arlo digitalaren inguruane ezagutza berriak eskuratzeko. Aldi berean, denok denongatik ikastea espero dut.
